Nesta entrada imos falar sobre como
afectou o COVID-19 nas nosas vidas. Cando todo isto comezou, a maioría de nos
non esperábamos que chegase ata aquí tan rápido e en tal magnitude. Algúns de
nos esperábamos estar durante menos tempo “encerrados” na casa, outros
pensábamos que isto se prolongaría durante un ano…esperemos que non se cumpran
as expectativas e non apareza o rebrote na época invernal!
Non cabe dúbida de que isto supuxo
un cambio radical nas nosas rutinas diarias; por exemplo, acostumámonos ao uso
de videochamadas, normalizáronse as clases virtuais, as nosas terapias fanse a
distancia, facemos videoquedadas c@s amig@s...
Nunca pensaríamos que esta situación
afectaría ata tal punto de que as persoas esgotasen produtos esenciais no
supermercado, como o papel hixiénico, alimentos básicos (aceite, fariña, polo…),
etc. Ademais, ao principio do confinamento só se podía ir a comprar o
imprescindible, o que fixo que se incrementasen as compras online.
Durante este tempo de confinamento,
o que mais nos costou en xeral foi: non poder ver ás persoas que quero e/ou
abrazalas e non ver @s compañeir@as de clase/traballo, adaptarnos ás clases
online, non poder saír a dar un paseo…
Por sorte, algúns de nós contamos
con zonas de xardín, co cal non nos costou tanto o feito de non poder saír á
rúa. Ademais, coa fase 1 xa se permitiu a saída controlada e puidéronse retomar
algunhas actividades.
Por outra parte, podemos dicir que o
confinamento trouxo consigo algunhas cousas positivas: reduciuse a contaminación
a nivel mundial, adicamos máis tempo á familia, retomamos algúns xogos de mesa
esquecidos (monopoly, parchís, xadrez, etc.), máis tempo de reflexión persoal,
máis tempo para rematar manualidades, tempo para ver series e películas…
Agora mesmo parece ser que o
confinamento está chegando ó seu fin, comezamos a retomar algunhas actividades
pero sempre coas precaucións axeitadas. Durante todo este tempo, o que máis
botamos de menos foron as xuntanzas con máis persoas (amig@s, coñecid@s...), ir
ó cine, comer nun bar, ir ás nosas terapias; en xeral, ter liberdade para poder
saír.
Por último, gustaríanos enumerar
algunhas das medidas de seguridade que, dende que se decretou o estado de
alarma, debemos ter en conta á hora de estar en contacto con outras persoas; a “nova
normalidade”. Debemos normalizar o uso de máscaras en lugares públicos,
desinfectar as mans constantemente (ben con auga e xabón ou ben con xeles
hidroalcólicos), manter a distancia de seguridade (2 metros), evitar tocar algo
que non vaiamos a levar das tendas.
